Samstarf

Myndlistaskólinn hefur frá upphafi átt í víðtæku samstarfi við fjölda skóla, stofnana og fyrirtækja um sýningar og viðburði, námskeiðahald, kennara- og nemendaskipti og samræðu um kennsluhætti. Skólinn hefur sömuleiðis um langt skeið átt í miklu samstarfi við skóla og stofnanir í útlöndum.

Barna- og unglingadeild skólans er í nánu samstarfi við Reykjavíkurborg, annars vegar um regluleg myndlistarnámskeið fyrir börn og unglinga yfir vetrartímann og hins vegar um ýmis tímabundin samstarfsverkefni við leik- og grunnskóla borgarinnar. Kennarar deildarinnar hafa jafnframt haldið endurmenntunarnámskeið fyrir kennara í grunnskólum um allt land.

Meðal samstarfsaðila erlendis er Kulturprinsen, miðstöð þróunar og rannsókna á menningu barna og ungmenna í Viborg í Danmörku. Myndlistaskólinn vinnur nú að samstarfsverkefni sem nefnist Art Equal og er styrkt af Erasmus+ menntaáætlun.