10-12 ára Video- og hreyfimyndagerð

Númer: 
140501
SKRÁNING OG GREIÐSLA: 
Fara á skráningarvef
Kennari: 
Þórey Mjallhvít H. Ómarsdóttir
Kennsludagur / kennsludagar: 
Miðvikudagar
Kennslutími: 
15.00-17.15
Upphafsdagur haustannar: 
miðvikudagur, 13 september, 2017
Lokadagur haustannar: 
miðvikudagur, 6 desember, 2017
Stutt lýsing á námskeiði: 

Skoðaðar verða ýmsar ólíkar leiðir til að vinna með vídeómiðilinn og hreyfimyndaformið. Skoðuð verða myndbandsverk og hreyfimyndir eftir aðra listamenn og rýnt í hvernig nánasta umhverfi þeirra hefur haft áhrif á listsköpun þeirra. Í kjölfarið skoðar nemendahópurinn umhverfi sitt og hvernig hægt er að vinna með það til að skapa sín eigin verk á sinn hátt.

Nota má allt frá ljóði, popptexta, myndum af verkum annarra eða ljósmyndum úr eigin myndaalbúmi sem efnivið, og allt þar á milli. Nemendur prófa sig einnig áfram með ólík efni í hreyfimyndagerð, svo sem fundið efni, teikningu, pappír, leir, tré, ljós og skugga. Nemendur gera alls kyns æfingar: endurgera verk eftir aðra listamenn, vinna út frá sögum sem þeir þekkja, gera stuttar örmyndir í klippimyndastíl, kennslumyndbönd og ýmislegt fleira sem okkur dettur í hug í sameiningu.

Lögð verður áhersla á að kenna nemendum hvernig vinnuferlið er allt frá hugmynd að fullbúnu verki. Þeir munu sömuleiðis prófa sig áfram við notkun ýmiskonar tækja: lítilla myndavéla, vídeóvéla, síma og iPad. Við notum Videopad forritið til þess að klippa og setja saman myndir og Monkeyjam til þess að taka upp hreyfimyndir. En bæði þessi forrit eru svokölluð "open source" forrit sem hlaða má niður ókeypis.

Efniskaup: 
Allt efni innifalið. Ætlast er til að börnin hafi með sér einhvern léttan bita / hollt nesti, en fari ekki að kaupa í kaffitímanum. Athygli er vakin á því að Myndlistaskólinn er hnetufrír og því má ekki taka með sér nesti sem inniheldur hnetur.
Frídagar haustönn: 
* Haustfrí er frá og með fimmtudeginum 19. október til og með mánudeginum 23.október. * Jólafrí er frá og með þriðjudeginum 12. desember til og með miðvikudeginum 10. janúar.
Verð: 
Kr. 50,200
Viðbótarkostnaður fyrir börn og ungmenni með lögheimili utan Reykjavíkur. (Sjá nánar Skólagjöld undir Börn og ungt fólk): 
Kr.15,000
Hámarksfjöldi nemenda: 
10
Kennslustaður: 
Hringbraut 121
Kennslustundir: 
39
Fjöldi kennsluvikna: 
13
Deild: 
Börn og ungt fólk
Flokkur: 
10 - 12 ára