Myndlistaskólann í Reykjavík býður upp á fullt nám í dagskóla.

Hægt er að ljúka stúdentsprófi af tveggja ára listnámsbraut skólans. Það er kjörin leið fyrir skapandi einstaklinga til að búa sig undir háskólanám í myndlist eða hönnun en er ekki síður góður undirbúningur fyrir hverskyns annað nám.

Stúdentar sem ekki hafa lagt stund á listnám en vilja búa sig undir háskólanám í myndlist, hönnun eða arkitektúr geta tekið fornám. Fornámið er samsett úr völdum áföngum af listnámsbrautinni og tekur einn vetur.

Nemendur sem hafa lokið starfsbraut eða sambærilegu námi geta tekið árs nám í myndlist. Þar er lögð áhersla á að nemendur kynnist fjölbreyttum vinnuaðferðum, tækni og hugtökum sem notuð eru um myndlist og hönnun. Námið veitir engin formleg réttindi en það gefur nemendum möguleika á að skapa sér starfsvettvang á sviði listsköpunar, á eigin spýtur eða með stuðningi.

Við bjóðum einnig upp á tveggja ára nám í keramiki, málaralist, teikningu og textíl. Nemendur af diplómanámi hafa haldið áfram námi við háskóla með einingum frá Myndlistaskólanum í Reykjavík sem hluti af háskólaprófi bæði hér heima og erlendis.

• Fyrir nýnema: Til að tryggja skólavist þurfa viðkomandi að greiða staðfestingargjald fyrir ákveðinn gjalddaga. Staðfestingargjaldið bætist við skólagjöld en fæst ekki endurgreitt þótt viðkomandi hætti að þiggja skólavistina.

• Fyrir endurinnritaða nemendur: Skólinn sendir greiðslutilkynningar vegna skólagjalda fyrir upphaf hvers skólatímabils.

Inkasso annast innheimtu á kröfum fyrir hönd skólans. Hægt er að hafa samband við Inkasso í netfangið inkasso@inkasso.is eða síma 520 4040 og biðja um greiðsludreifingu. Nánari upplýsingar veitir skrifstofa skólans í gegnum tölvupóst á netfangið mir@mir.is